Tukin zing khan Pu Zodintluanga, UD & PA etc. Minister, Pu Lal Thanzara, Parliamentary Secretary to Chief Minister leh Pu Lalduhoma, MLA te chuan Vaivakawn to Mizoram Universty via Luangmual kawng zauh dan tur an thlir hova. PWD, UD & PA hotuten an tawiawm.

Vaivakawn to Mizoram University kawng zauh leh siamthat hna hi tun thal lai chhung ngei a peih turin hmalak nise tih PWD hotute an hrilh nghal a ni.

Nimin lama Lengpui Airport kawng chhak atanga lung chim in a hnawh chu thenfai hna thawh zawh anih hnuah nizan lamah lung hi lo chim lehin, kawngpui a ti bal nasa em em a, hei vang hian a siamthat hna hi thla 3 tal ngai tura ngaih a ni. Kawng chhia hi Pu Zodintluanga leh Pu Lal Thanzara te chuan PWD leh UD & PA hotute hruaiin an thlir a, Chief Minister hnenah report an pe nghal.

Lengpui Airport panna hnai a chhiat hrih dawn avangin BRTF ten an enkawl mek Sairang - Buichali-Lengpui Airport kawng hman a ngaih dawn hrih avangin Chief Minister Pu Lal Thanhawla chuan Chief Engineer (CE) BRTF hnenah he kawng an enkawl hi uluk leh tha lehzuala siamtir nghal zung zung turin a hriattir nghal a ni.