Vawiin khan Kawnpui-ah Independence Day lawm a ni a, Kawnpui Playground No II ah chawhma dar 11:00 khan Pu R Lalrinawma MLA, Chairman Mizoram law Commission chuan Hnam Puanzar pawt pawrhin School Contingent 4 leh NCC Contingent 2 te Parade chibai a chhang let.

Thusawiin Pu R Lalrinawma MLA chuan India ramah, ram Danpui-in thlamuang taka kan awm theih nan Zalenna min pe a. Hetianga Zalenna kan chhawm nung zel hi ram dang te pawhin min awt thin a ni. India hian Agriculture, Space, defence, Industry leh IT lamah khawvel hriat tham khawpin hmasawnna kawng a zawh mek a; chu ram lian takah chuan Mizoram pawh kan awm a ni. Hmarchhak kil-ah awm mah ila, thliarkar rilru pu lovin India kan nihna hi kan chhuang tur a ni a ti. Khuallian chuan Mizoram in hmasawnna nasa tak a neih dan sawiin
Kawnpui Hockey Ground-a Astro phah zawh tak chu Union Sports Minister Pu Jitender Singh hawn tir tum a ni a. He Ground siam nan hian Central atangin cheng vbc 5 lai hmu mah ila, a hmunhma siam fel (site development) atan State sawrkar sum cheng Nuai 196 zet sen belh a ni a ti a. Kolasib ah Judicial Officers Quarters sak phalna hmuh tawh a ni a ti bawk.

Khuallian hi a Nupui-in a tawiawm a. Zaithiam te nen hun hlimawm tak hman a ni.