1905/2025-2026

Dated Kolasib the 14th October,2025: Kolasib SP, Pu David H Lalthangliana chuan Mizoram State sawrkar Notification No. B. 12021/10/2004-TRP dt. 01.06.2020 leh Section 115 of Motor Vehicle Act 1988 (Act No. 59 of 1988)-in thuneihna a pek angin lirthei chet vel dan turah a hnuai ami ang hian thupek a chhuah.

Kawnpui to Mualkhang inkar National Highway 06 chu BR Goyal ten chak zawka kawng siam hna an chhunzawm thei nan, dt. 14.10.2025 atanga thu leh awm hma chu a hnuai a ruahmanna siam ang hian Sairang road lama lirthei tlan tur te tan ruahmanna siam a ni.

Kawnpui to Aizawl kal tur 407 leh a chunglam te chu Kawnpui leh Sairang peng inkarah leh Sethawnah tih din an ni ang a, tlai lam dar 05:00 PM atangin zan dar 11:00 PM inkarah lirthei te an chhuak thei ang. Kawnpui leh Sairang peng inkar a Police duty tur te chu OC Kawnpui PS in a staff te atangin a tul ang zelin a detail ang.

Sethawn a Police duty tur te chu OC Kolasib PS leh IC Traffic Cell, Kolasib ten an staff te pakhat ve ve an deploy thin ang. Sethawna motor tih din te hi Kawnpui Police te nen motor chhuahdan tur ruahmanna an siam zawh hnu ah a tahtawlin lirthei te chu an kal tir ang.

Aizawl atanga Kolasib lam pan tur te chu Mualkhangah tih din an ni ang a, Zan lai dar 12:00 atangin zing dar 06:00 AM inkarah an lirthei te an chhuak thei ang.

He thupek hian tul bik thila Magistrate, Police, Security Force/Army, Fire Dept., Ambulance leh Special Permit SP Kolasib in a pek te a huam lovang.

He thuchhuah chungchanga harsatna neite chuan OC Kawnpui PS (Ph. No. 9366352665) ah biak theih reng a ni.

He thupek zawm lo chu 179 MV Act hmanga hrem an ni ang.