1224/2025-2026 

Kolasib the 17^th July, 2025 : Kolasib District Disaster Management Authority Chairman leh Kolasib DC ni bawk, Robert C Lalhmangaiha  chuan Sec. 34(c)Disaster Management Act, 2005 in thunehna a pek angin Kawnpui atanga Zanlawn inkar lirthei tlan chungchangah a hnuaia mi ang hian thupek a chhuah.

Kawnpui atanga Zanlawn inkar (tlang kawng) Kawnpui daiah lungrem chim avangin kawngpui nasa takin a bal a. Hemi avang hian kawng a zim in lirthei a veivakte him zawk nan District Disaster Management Authority(DDMA) meeting ni 7.07.2025 a neih chuan lirthei tlan dan khuahkhirhna a hnuai ami ang hian a siam.

1. Kawnpui - Zanlawn inkarah lirthei LMV leh a hnuailam bak kal phal a ni lo.

2. He thupek zawm lo chu Disaster Management Act, 2005 hmang a hrem theih an ni.

He thupek hian helai kawng siamna atana lirthei chet velna, Ambulance, Police, Fire Dept. leh Magistrate in phalna a pekte a huam lovang.