3877/2022-2023

Parliament Session neih mekah Union Minister of Commerce and Industry Pi Anupriya Patel chuan Mizoram MP Pu K.Vanlalvena zawhna chhangin Tlabung Kawrpui chhuaha Bangladesh nena insumdawn tawnna atan cheng vaibelchhe 552.25 ruahman a ni tih a sawi a. Mizoram leh Bangladesh dawh zawmtu tur Kawrpui lui chunga Lei(bridge)dawhna tur DPR siam hna chu Bangladesh sawrkar kutah dah a nih thu leh Bangladesh in DPR an la zawh loh thu a tarlang bawk a ni.

Lawngtlai to Paletwa kawngpui laih mek KMMTTP a Mizoram leh Myanmar inrina hmun Zorinpui-ah Border trade centre din tumna a awm em tih Pu Vena zawhna pawh Union Minister chuan chhangin kawngpui laih hna hi thawh mek a la nih chauh avangin border trade din tumna Zorinpui ah a awm rih loh thu a sawi.

Bangladesh nena ramria insumdawn tawnna bul ?an thuai a nih theih nan hian Mizoram sawrkar Commerce and Industry Minister Dr.R.Lalthangliana chu Bangladesh ah a zuk kal tawh a. Bangladesh Commerce Minister nen pawh Delhi ah hemi chungchang hi an lo sawi dun tawh bawk a ni.