1169/2025-2026

Dated :Mamit the 14th of July,2025 : Kawrthah Forest Division chuan tunlai Digital platform hmasawnna zulzuiin Division Office leh Division hnuaia Range Office hrang hrangte inbiakpawhna (Correspondence) chu Digital Mode-ah an let a.  He tihdan phung thar an ruahmanah hian tunhma atanga kan hman thin lehkha hmanga inbiakpawhtawnna chu thlakin, Email kaltlangin Division leh Range office hrang hrangte lehkha an kal tir tawh dawn a ni.

He rahbi thar chuankaina turah hian Division leh range hrang hrangte chu sawrkar official email id @mizoram.gov.in chu pek theuh an ni a, hemi kaltlang hian lehkha pawimawhte 

an inthawntawn thin tawh dawn a ni. He ruahmanna thar hian lehkha hmanral leh hna tam zawk a chhawk zangkhai thei dawn a, Sawrkar pisa atanga lehkha hmanralna in environment a khawih chhiat theihna tur lakah pawh nasa takin a veng dawn bawk a ni. 

Kawrthah Forest Division office chuan collabfiles.gov.in, Sawrkar official digital platform kaltlangin hnathawhhona (Collaborative File Management) a ruahman a, chumai bakah nicforms.nic.in kaltlangin data leh information thehluhna tur ruahmanna a siam bawk.