No.2417/2020-2020

Dated Serchhip, the 25th June, 2020: Vawiin hian Keitum VLTF te hmalaknaa an khaw mipuite thawhkhawm thlai thar chi hrang hrang leh pawisa fai chu quanrantine centre-a awm mekte tan an hlan a, DLTF aiawhin Pu HD Lalpekmawia, Addl. DC leh Pi C. Vanlalduhi, SDO(S) ten an dawng a ni.

Keitum VLTF aiawh hian Pu Vanlalsailova, VCP, Pu Rorelliana, President, Branch YMA leh VLTF memberten mipuiten an remchan ang theuh an thawhkhawm thilpek chi hrang hrang: Pelh bag 2 leh a chanve, Maian bag 2 leh a chanve, Antam bag 5, Phuihnam bag 2, Anthur tel 2, Dawlzik tel 2, Ankasa tel 2, Behlawi bag 1, Hmarcha 1 kg, Artui plate 3, Buhfai 2 leh a chanve qtls., Theihai bag 4, Nimbu bag 1, Lakhuihthei bag 1, Aidu tel 2, Iskut 5 kg, Tengtere 2 packet, Bawkbawn 4 kg, Alu 6 kg, Dal 3 kg, Bekangro 1 packet leh Pawisa fai Rs. 20000/- chu a tul apianga hman atan DLTF kutah an hlan a ni.

Thilpek lo dawngtu Pu HD Lalpekmawia, Addl. DC chuan lawmthu a sawi a, Keitum mipuite thilphalna chu chhuanawm a tih thu sawiin, an thilpekte chu midang tan malsawmna a nih ngei a beisei thu a sawi a ni.