2261/2025-2026

Dated Aizawl, the 18th November, 2025: Nimin khan Cooperation Commissioner Pu Udit Prakash Rai chuan Khanpui M-PACS Building a hawng a. Pu John LT Sanga, Registrar, Cooperative Societies leh officer dangte’n an tawiawm.

Hawnnah hian Pu Udit Prakash Rai chuan Khanpui M-PACS building hawn a ni thei chu lawmawm a tih thu sawiin, Society member-te thawhrim rah a ni tih a sawi a. A theihtawpa Khanpui Cooperative Society tanpui a inhuam thu a sawi bawk.

Pu John LT Sanga, Registrar pawhin thusawina hun a hmang a. He Khanpui M-PACS building sak nan hian a vaiin Rs 26,00,000/- sen a ni a. Cooperation Dept atanga ICDP Loan Rs 11,00,000/- leh Khanpui M-PACS pawisa Rs 15,00,000/- hmanga sak a ni.