District Magistrate, Aizawl District, Aizawl chuan Section 144 of the Code of Criminal Procedure, 1973 (Act II of 1974) in thu neihna a pek angin a hnuai ami ang hian thupek a chhuah.
1. Mi tumahin an Ui vulh khawlaiah an chhuah tur a ni lo.
2. Mi tupawhin a Ui vulh khawlaia chhuahpuiin a awm tawka sei hrui a hlingin a khuahkhirh tur a ni.
3. Mi tupawh, Ui vulh tawh phawt chuan an ui vulhte Hri Danna (Rabies Vaccine) a course puitlingin an lak tir ngei tur a ni a. Hri danna an lak tawhna certificate pawh an kawl ngei tur a ni.
4. Mi tupawh Ui vulh tawh phawt chuan a Ui vulhna hungchhung luh dawnah langsar tak leh chhiar nuam tawk taka lianin ‘Ui A Awm, Fimkhur Rawh’ tih a tar ngei tur a ni.
He Thupek hian thuleh awm hma chuan 14.10.2014 atanga thla hnih chhung a huam ang a, thupek bawhchhia an awm chuan Sec. 188 I.P.C. anga hrem tur a ni.
