4907/2025-2026 

Aizawl District Magistrate Er. Lalhriatpuia, IAS chuan a hnuaia tarlan ang hian khapna thupek a chhuah

Sawrkar hriatpuina lova petrol leh diesel zawrh chhawn hi dân bawhchhiatna niin Section 5 & 6 of the Mizoram Motor Spirit and High Speed Diesel (Prevention of Malpractices in Supply and Distribution) Order, 1992 kalh tlat a ni a. Chubâkah mahni remhriat dân ang anga lo kawl that ve ngawt hi a him lovin kângmei nasa tak tichhuak thei a ni.

Chuvangin, kei, Er. Lalhriatpuia, IAS, District Magistrate, Aizawl District hian dân ang taka petrol leh diesel hralh a lo nih theihna tur leh mipuite kan lo him tlan zawk nan Section 163, BNSS 2023 in thuneihna min pêk angin a hnuai a thupek hi ka chhuah e.

“Aizawl District huamchhungah mi tumahin phalna nei lovin Petrol leh Diesel an hralh tur a ni lo.”

He khapna thupek zawm lo te chu an petrol/diesel man sak a ni anga, Section 223 BNS 2023 hmangin an chungah hremna lek theih a ni bawk ang. He thupek hi chhuah a nih atangin thla hnih (2 months) chhung a huam ang.

He thupek hi vawiin Dt. 18.03.2026 hian District Magistrate Seal-a nemnghetin hming ka ziah hnan e.

Sd/-

Er. LALHRIATPUA, IAS
District Magistrate
Aizawl District, Mizoram