No.2814/2020-2020

Siaha, July 7: Siahatla veng chhungah vanduaithlak takin Covid-19 sample test-a vawi hnih lai negative tawh chu fimkhur thil thu a endik leh a nihin a lo positive hlauh mai a. Hei vang hian veng chhung mite leh mipui nawlpui himna leh he natna inkaichhawn awlsam tak laka kan invenna tur kawng zawn a lo tul ta a ni.

Chuvangin, Shri Bhupesh Chaudhary IAS, Deputy Commissioner & Chairman, Siaha District Disaster Management Authority chuan Disaster Management Act 2005 Section 34 leh The Mizoram Epidemic Diseases (Covid-19) Regulations, 2020 (11) (1) thuneihna hmangin _Siahatla veng chhungah inkharkhip bur (Total Lockdown) kalpui tur tih a puang a, he thupek hian vawiin July 7, 2020 atanga July 14, 2020 thleng a huam ang._

Inkharkhip bur kalpui chhung hian a hnuaia inkaihhruaina hi zawm theuh tur a ni a, dan kengkawhtute pawhin khauh takin an kengkawh nghal ang :-

1. Siahatla veng chhung mi tumahin an in an chhuahsan tur a ni lo.

2. Veng chhungah Lirthei eng chi mah a tlan tur a ni lo.

3. Dawr leh Sumdawnna hmun zawng zawngte chu khar vek tur a ni.

4. Hmun dang atanga Siaha pan leh Siaha khawpui atanga hmun dang pan lirthei, Siahatla paltlang tur reng reng chu veng chhung khawi laiah mah an ding tur a ni lo.

5. Lo theih loha chhuakte pawhin Mizoram sawrkarin inkharkhip kaihhruaina a siamte an zawm vek tur a ni.

He thupek hian Magistrate, Health, Police, Fire & Emergency Services, Sawrkar hnathawk, VLTF duty te, thuthar lakhawmtute leh DC-in kal chhuah phalna a pekte erawh a huam lo ang.

Thupek zawm lote chu IPC Section 188 leh The Mizoram (Containment and Prevention of Covid-19) Ordinance, 2020 hmanga hrem tur a ni.