No.3777/2020-2021

Siaha, August 4 : District AH & Vety Officer, Siaha District ngenna angin leh tunlai a thenawm State (i.e. Assam & Arunachal Pradesh) chhunga Vawk natna, African Swine Fever (ASF) leng mek in a kan State/Ram chhung a he hri hlauhawm tak hi a lo luh loh nan leh hemi hri leng avanga mipuite tana buaina leh harsatna a thlen loh nan Pu Bhupesh Chaudhary IAS, Deputy Commissioner, Siaha District, Siaha chuan _Section 144 CrPC 1973 thuneihna hmangin hetiang hian khapna thupek a chhuah :-

1. Mi tumahin State thenawm leh District dang atangin Vawk, Vawksa leh Vawksa atanga thil siam reng reng an la lut tur a ni lo.
2. Vawk damlo an serin, an hralh tur a ni lo.
3. Vawk thi reng reng khur thuk taka laiin an phum tur a ni.
4. Hemi dan zawm lova Vawk lak luh, PRRS emaw ASF emaw vei man a nih chuan District AH & Vety Officer in uluk takin a tihlum nghal thei ang.

Hemi dan bawhchhetute chu Section 188 IPC hmangin a hnuai a mi ang hian hrem theih an ni ang :-

1. Thla khat Lungin tan emaw pawisa cheng 200/- thleng chawitir emaw a pahnihin.
2. Thla ruk Lungin tan emaw pawisa cheng 1000/- thleng chawitir emaw a pahnihin.
He thupek hian chhuah a nih atanga chhiarin thlahnih chhung a huam ang.