No.928/2021-2022
Aizawl 11th June 2021: Vawiin khan Aizawl DC chuan Khatla Veng area hmun thenkhat chu Containment Zone/Area-ah puan tawh chu hlih a nih thu a chhuah a. Hemi chungchanga DC thuchhuah chu a hnuai a mi ang hi a ni e.
The Mizoram Epidemic Diseases (CoVID-19) Regulations, 2020 Para 11(1)(b) behchhan leh he office lehkha No. C.16011/298/2020-DC(A)/Lockdown Dt. 24/05/2021 hmangin Khatla Veng hmun thenkhat chu Containment Zone/Area-ah puan a lo ni tawh a. Tin, he Office lehkha No. C.16011/298/2020-DC(A)/Lockdown Dt. 03/06/2021 leh Dt. 08/06/2021 hmangin Khatla Veng Containment Zone/Area-a lo puan tawh hmun thenkhat chu sawrzim Order chhuah a lo ni tawh bawk.
Chief Medical Officer, Aizawl West in zirhchianna leh a tul anga hma a lak hnuin tun dinhmunah mi tumah COVID-19 avanga dinhmun hlauhthawnawm ah an awm tawh loh avangin Containment Zone/Area hi hlih rawtna a rawn thlen a. He rawtna ang hian Khatla Veng Containment Zone/Area-a lo puan tawhna chu 11.06.2021 (Zirtawpni) Zan dar 9:00 atangin hlih nghal a ni.
Covid 19 laka kan himna tur a sorkar kaihhruaina (SOP) siamte vengchhung mipui ten zawm tha chhunzawm zel tur a hriattir an ni e.
