4050/2023-2024

Khawzawl 5th. March, 2024 : Khawhai khua leh Lungtan khua te tuilakna tur Khawhai-Lungtan Water Supply Scheme (Solar Pumping), NABARD sum cheng vaibelchhe 25 senga siam hna thawh mek chu Er. Thanchungnunga, S.E., Champhai WATSAN Circle, PHED chuan nimin khan a hmunah kalin a tlawh a, S.E. hi Er. Eliza Vanlalpeka, SDO, Khawzawl WATSAN Sub-Division, PHED leh Er. TBC. Lalthangzawna, J.E., Khawzawl WATSAN Sub-Division, PHED ten an tawiawm a ni.

Khawzawl-Lungtan WSS (Solar Pumping)-ah hian Sakeilui tui lak tur a ni a, nikhatah tui Litres 2,55,000 a Pump chhuak thei dawn a. Kumin September ralhma ngeia thawh zawh tur niin tunah hian Civil Works thawh zawh tawh a ni a, Solar leh Electro-Mechanical Components te thawh mek a ni.

S.E. hian a hmunah hian Pipeline leh Technical thil tuldangte chu Contractor te leh Site Engineer te a sawipui a, hun bituk chhunga hna zo hman turin chak tak leh tha taka hna thawk turin a fuih a ni.