Aizawl Traffic SP chuan a hnuai ami ang hian mipuite hriattirna a siam:
Tunlai hian mi thenkhatte Aizawl khawpui kawngpui dungah Traffic tawt lai leh jam karah Thirsakawr (Cycle) hmanga tlan an awm thin a. Aizawl khawpui chhung kawngpui dungah hian Thirsakawr kalna tura siam bik (Cycle track) a awm loh avangin leh Traffic buai tak karah hian a hmangtute tan a him lo em em a. Lirthei dangte tan pawh tihpalh an hlauhawmin, Thirsakawr khalhtute tan chetsualna pawi tak a thleng ang tih a hlauhawm hle a ni.
Chuvangin, chhiatna rapthlak a thlen loh nan leh kan him tlan zel nan Aizawl khawpui chhung kawngpui dung, a bik takin Kulikawn leh Bawngkawn inkar kawngpui (Main Road)-ah zing dar 7:30 am hnulamah chuan Thirsakawr hmanga kal lo turin mipuite kan inhriattir in kan in ngen a ni.
