2762/2025-2026

Aizawl the 23rd December, 2025 : Health & Family Welfare Department hnuaia National Programme on Climate Change and Human Health (NPCCHH), National Health Mission chuan khaw vâwt chho meka mipuite kan him tlanna tur leh zawm tur a hnuaia mi ang hian thuchhuah a siam.

Mipuite tâna hriat tur pawimawh: Khawvawh zual laiin

Khawvawh zual hma in

Khua a vawt zual dawn em tih hre lawk thei turin radio te ngaihthlak ngun a, TV te en in chanchinbute pawh chhiar thin tur ani.
Khawchin hre turin heng website te hi tlawh thin tur ani: India Meteriological Department: https://mausam.imd.gov.in/
Realtime temperature update: https://bit.ly/IMDcoldwave
Thlasik lai a hak tur thawmhnaw lum tha kawl theuh tur ani.

Khawvawh zual laiin

Tih turte

Khawchin chungchanga thuchhuah leh thu thar te ngaihchan a, rikrum thil a tih tur pawimawh an sawi te chik taka ngaihchan a, zawm ngai te zawm tur.
Thli vawt laka him nan a tam thei ang ber inchhungah awm tur.
Thawmhnaw lum thâwl lam deuh hak thuah a, zâng lam deuh leh windproof, wool lum tha tak hak tur. Thawmhnaw tawt lutuk hak loh tur.
Taksa huh leh hnâwnga dah loh tur, lu, nghawng, kut leh ke te kim taka khuh that tur.
Kut tuam lum that tur ani a. Lukhum leh muffler te hman that tur. Pheikhawk lum leh waterproof bun tur.
Chaw tha leh hrisel lam ei uar tur.
Natna dotu khawl tichak thei tur thei leh thlai hring lam Vitamin-C tamna ei tur.
In tur sa (hot drinks) lam leh tuilum in that tur.
Vun leh taksa te a ro loh nan oil, body cream leh lotion te hnawih that tur.
Tar leh kum upa lamte ngaihsak tur. Thenawm khawvengah kum upa lam leh mahni a khawsa te an hriselna a tha em tih te en in tlawh thin tur.
Nitin mamawh leh tul thil dangte chhekkhawl tur. Tui hman tur khawlsa neih tur.

Khawvawh zual laiin

Tih turte

Khawvawt lutuk hmun a awm rei hian taksa lang thei lai ah duk, khawng leh chawmawlh leh duk durh te a awm thei a. Hetiang hunah hian doctor te pan vat tur.
Khawvawta awm rei lutuk avanga vâwtin taksa peng a hmeh hik (Frostbite) avanga natna lang chhuak thei taksa chawmawlh, var leh duk te hi kut leh ke, bengkawm leh hnar ah te awm em tih en chian tur.
Khawvawt lutuk hmun a awm hian Hypothermia a neih theih a- taksa temperature te lo tla hniam in khur nasa, tawng tha theilo, mutchhuak, tihrawl khawng, thawk harsa, chauhna leh nikhaw hrelo a awmna te a thlen thei ani. Hypothemia hi natna hlauhawm tak anih avangin damdawi a inenkawl hmanhmawh a tul thin.
Tupawhin Hypothermia emaw Frostbite a neih in damdawiinah inentir vat tur ani.
NDMA mobile application: First Aid for Students and Teachers (FAST) hi first aid chungchanga thu hriat tur chhiar nan a download theih ani.
Ran vulh te inchhungah awm tir theih nise. Khaw vawt laka an lo him nan inchhunga suan luh tur ani.

Tih loh tur te

Hun rei tak chhung khawvawt hnuaia awm loh tur.
Vawt tih vanga taksa a khurhin ngaihthah loh tur. Inchchhung lumah awm tur.
Zu in loh tur.Taksa lumna temperature a tihniam belh theih avang leh hypothermia neih theihna a tisang thei.
Khawvawtin taksa a hmeh pilh/chawmawlh (Frostbite) lai hi massage loh tur, a nat zual belh thei.
Vawtin a hmeh avanga damlo chu a harhfim tha anih loh chuan tui in tir loh tur.
Thuk leh meituah te vil loh a kalsan loh tur.
Room phui leh ventilation awm lohna hmunah mombati, sikri, meihawl leh mei tuah loh tur. Hei hian Carbon Monoxide mihring tana tha lo a pe chhuak thei.

Hriat belh duh nei te tan heng a hnuaia website tarlan te hi a tlawh theih ang:

https://ndma.gov.in/Governance/Guidelines

https://ndma.gov.in/Resources/awareness/Cold_Wave