674/2026-2027

Dated Khawzawl, the 22^nd May, 2026: Vawiin khan Khawzawl Bawrhsap Pu K. Vanlalthiana kaihhruaiin 12^th National Open Taekwondo Championship, Talkatoria Stadium, New Delhi-a May ni 13-15, 2026 a neih zawh takah Khawzawl atanga Medal late lawmpuina hun DC Conference Hall-ah neih a ni.

Bawrhsap Pu K. Vanlalthiana chuan infiammi naupangte chu National level-a medal an la thei chu a lawmpui thu sawiin, an chhuanawm takzet a ti a. Coach tha tak kaihhruaina hnuaia infiamna an kalpui thei chu lawmawm a tih thu sawiin an thlen chin atanga hma sawn zel tum turin a chah a. Taekwondo chu inelna atan chauh ni lovin mahni in venna (self-defence) atan pawh thiam a pawimawh thu a sawi bawk a. Tunlaiah infiamna hi eizawnna tlak a nih tawh zia sawiin, naupangte pawh an hma hunah theihtawp chhuaha hlawhtlinna chang zel turin leh mi entawntlak ni turin duhsakna a hlan a ni. 

12^th National Open Taekwondo Championship-ah hian Mizoram atanga player 37 kal zingah Khawzawl atangin player 10 telin, district zinga player thawh hnem ber a ni a. Khawzawl District Amateur Taekwondo Association hi 2023-a din niin, kum 2025 leh 2026-a Mizoram Team Champion an ni a, Taekwondo-ah Best District of the Year 2026 trophy an la bawk a ni. Khelo India hnuaiah Khawzawl district hi thlan a ni a, naupangte uniform, tracksuit leh hmanraw dangte an dawng thin a ni. 

Khawzawl District Amateur Taekwondo Association atanga medal late chu a hnuaia tarlante hi an ni –

Coach (Mizoram) - Lalremruata (Khawzawl Dinthar)

12^th National Open Taekwondo Championship-a medal late:

Gold Medalist

1. Ramtharnghaki (Under 26 kgs) D/o R.Lalduhawma (Dinthar Veng)
2. Abisak VL Tlinpuii (Under 47 kgs) D/o Samuel Lalnunthara (Zaingen Veng)
3. Gracy Zorinpuii (Poomsae Team) D/o V.Lalhmuchhuaka (Vengthar)

Silver Medalist

1. Aron Malsawmtluanga(Under 32kgs) S/o Ebenezer Zonunsanga (Vengthar)

Bronze Medalist

1. C.Lalhmingsangi(Under 44kgs) D/o C.Lalhmangaihtluanga (Zaingen)
2. Lalchhanchhuaha (Under 45kgs) S/o Lalhruaitluanga (Vengthar)

2^nd Meghalaya Open Taekwondo Championship, Shillong-a May ni 15 – 17, 2026 a neih zawh takah Lallawmsanga S/o PL Liantluanga (Lungvar veng) in fight (Kyorugi) ah leh Creative Poomsae ah Gold ve ve a la  bawk a ni.