32/2024-2025 

Khawzawl, 3rd April, 2024: Khawzawl Bawrhsap Pu K. Lalrohlua chuan CrPC Section 144 in thuneihna a pek angin, Khawzawl District chhung khawi hmunah mah dan ang ni lova Kuhva lakluh leh phurh khap tlat a nih thu a chhuah.

Khawzawl District chhung khaw thenkhatah dan lova Kuhva phur tawlh lirthei an kal thin tih hriat a ni a. Heng lirtheite hian kawng a tichhe nasa hle tih hriat a ni bawk. Khawzawl District chhungah dan phal loh a Kuhva phurh a lo rem theih nan leh, kawngte a lo him zawk theih nan khapna thupek chhuah tulin ka hria a.

Chuvangin, kei, K. LALROHLUA, DISTRICT MAGISTRATE, KHAWZAWL DISTRICT, KHAWZAWL chuan Section 144 CrPC in thunehna min pek angin a hnuaia thupek hi ka chhuah e:-

'Khawzawl District chhung khawi hmunah mah dan ang ni lova Kuhva lakluh leh phurh khap tlat a ni.'

He thupek zawm lote chu IPC Section 188 hmangin hrem theih an ni ang.

He thupek hian chhuah a nih atanga thla  hnih (2) chhung a huam ang.

He thupek hi vawiin April ni 2, 2024 hian District Magistrate Seal-a nemnghetin ka hming ka ziah hnan e.