No.7540/2020-2021

Vawiin chawhnu dar 2:00 khan Pu Zothanmawia, Deputy Commissioner, Khawzawl District kaihhruaiin State Day lawm dan tur DC Conference Hall-ah rel a ni.

Thukhawm chuan State puitlinga Mizoram hlankai a nih champha vawi 34-na lawmna hun tun thla February Ni 20, 2021 a neih tur chu chawhma dar 10:00 ah Zaingen YMA Hall-ah hman nise tiin a rel a, Khuallian atan Khawzawl DC Pu Zothanmawia chu ruat a ni.

He hunah hian State Day chu sawrkar ni pawimawh a nih angin Khawzawl-a sawrkar Office hrang hrang hotu (Head of Office) te chu kal ngei tura beisei an nih thu tarlan a ni a.  Heng bakah hian Khawzawl Joint VC, YMA Sub-Headquarters, District MUP, District MHIP, MJA leh Political Party hrang hrang aiawhte sawm nise tih a ni a. National Anthem rem leh State Day pawimawhnate sawichhuah a nih theih nan ruahmanna siam nise tih a ni bawk.

Vawiin meeting-ah hian DC Office-a Officer-te bakah Head of Office-te, VC, YMA, MHIP leh MUP aiawhte an tel a ni.