2476/2023-2024
Khawzawl, 24th October 2023: India Meteorological Department, Ministry of Earth Sciences, Government of India-in a tarlan danin October 23, 2023 chawhma lama Bay of Bengal tuipuia Cyclone 'Hamoon' inmung mek chuan India hmarchhak lam a pan zel a, tuna a kawng zawh mek enin Mizoram pawh a tuam tura ngaih a ni.
He Cyclone 'Hamoon' insiam mek hian ni 23 October, 2023 atangin Mizoramah ruah rawn thlenin October ni 25, 2023 atangin thli 40-60 kmph a chak then thei tura hrithlawk a ni. Amaherawhchu, Khawzawl District mipuite chiai loturn kan inhriattir a. Mipuiten khaw chin hi kan ngaihven a, kan chenna hmun him leh him loh te pawh thlithlai reng a tul a, hemi hun chhung hi chuan ram lamah leh luiah te kal lo turin kan inhriattir a ni. Tin, Village Council tin leh tlawmngai pawlte kan awmna hmun theuhah a tul anga chechhuak thei turin kan inhriattirin kan inbeisei a ni.
Cyclone 'Hamoon' avanga chhiatna thleng palh a awm a nih chuan District Emergency Operation Centre, Contact No. 9233201092-ah hian biak pawh theih reng a ni a, khuarel chhiatna disaster kaihhnawih thil thleng a awm a nih chuan Zonal Officer-te (List enclosed) hnenah rang thei ang bera hriattir tur a ni e.
WhatsApp Image 2023-10-24 at 5.34.34 PM.jpeg
