No127/2021-2022

Dated Khawzawl, the 14th April, 2021: Pu Zothanmawia, Deputy Commissioner, Khawzawl District chuan District chhung khaw hrang hrang tlawh chhunzawmin, nimin khan Khawzawl District chhim lam khaw paruk - Riangtlei, Vangtlang, Tlangpui, Tlangmawi, Sialhawk leh Biate-te a tlawh a, Pu Zothanmawia hian tunhnaiah Khawzawl District a khaw hrang hrangte tlawhkualin tihian a tlawh kim tawh a ni.

Bawrhsapin District chhung khaw hrang hrang a tlawhnaah hian Sialhawk khawtlangin Animal Health Centre an din chu a hawng a. Tlangmawi-ah BPL in (House) hawngin, Biate-ah Primary Health Centre a tlawh bawk. Heng bakah hian khaw hrang hrangah khawchhung leh a chhehvel hmun pawimawh thenkhatte a tlawh nghal bawk a ni.

Nimina Khawzawl Bawrhsap bial fang hi Pu Vantlangkhuma, Superintendent, DC office chuan a tawiawm a. Khaw hrang hrangah Village Council member ten Bawrhsap hi lo tawiawmin, thingpui inho pahin khawtlang dinhmun tlangpui leh mamawhte, hmalak dan turte sawihoin hun hlimawm leh hlawkthlak tak hman a ni.

Deputy Commissioner-in hetianga an khua ngeia kalchilha, an hmalakna leh mamawhte hre tura a tlawh chhuak chu District chhung khaw hrang hranga khawtlang hruaitute chuan lawmawm an ti hle a ni.