No.967/2021-2022

Dated Khawzawl, the 14th June, 2021: Village Level Task Force (VLTF) ten Covid-19 hrileng dona kawngah Sawrkar Order kalh leh, an thuneihna piahlama hma an lak lohna tura Hon'ble Guwahati High Court-in WP(C) No. 37 of 2020 a Order dt. 09.06.2021a siam leh, Mizoram Sawrkar Disaster Management & Rehabilitation Department lehkha No.B. 13021/121/2020-DMR dt. 11.06.2021 bawhzuina atan Pu Zothanmawia, Deputy Commissioner & Chairman, District Disaster Management Authority, Khawzawl District chuan Khawzawl District huam chhunga VLTF te zawm tur inkaihhruaina a hnuaia tarlan ang hian a hriattir nawn leh a ni.

1. Covid-19 hrileng hian thlei bik a nei lo ang bawkin, he hri kan doletna kawng hrang hrang - quarantine, testing, vaccination etc. ah pawh chi, hnam, sakhua, veng/khua etc. ang a inthliar emaw, an inkara inngeih
lohna thlen thei zawnga hmalak emaw phal a ni lo.

2. Mizoram sawrkar, DM&R Department Order No.B.13021/101/2020-DMR/Vol-IV dt. 12.06.2021 Clause D in a tarlan angin VLTF ten anmahni thuin veng/khua bil inkhuahkhirhna hranpa/ curfew/lockdown/Containment Area/ Restricted Area an puang tur a ni lo a. Sawrkar Order in a huam loh, veng/khaw bil bik tana inkhuahkhirhna khauh zawk neih tul tihna a awm chuan, a chhan leh vang chiang taka ziakin VLTF ten Deputy Commissioner hnenah rawtna siam thin tur a ni.

3. The Mizoram (Containment and Prevention of the spread of Covid-19) Act,2020 in VLTF te thuneihna a pek angin Covid-19 kaihhnawiha dan bawhchhiate chu he dan hmang hian hrem tur an ni a. Covid-19 dan bawhchhetute chunga dan pela hremna lekkawh - kut inthlak, pawisa inchawitir etc. - te hi dan bawhchhiatna tho a nih avangin phal a ni lo. Case harsa leh danglam bikah chuan bialtu Zonal Officer-te hriattira, hmalak ho tur a ni.