Animal Husbandry and Veterinary Department atanga thu dawn danin, tunlai hian PRRS mai bakah Africa ram leh khawchhak lam ramah te African Swine Fever (ASF) hri a leng mek a, Vawk natna hi tualchhung Vawk leh Sanghal ten an vei thei a, he natna hi tihdam theihloh leh mihring tana kaichhawn awlsam tak a ni bawk a, a tihdamna damdawi a awm lo a ni. He natna hri leng hi Khawzawl District-a a darh lohna tur leh mipuiten harsatna leh buaina an tawh lohna turin District Magistrate, Khawzawl District, Khawzawl chuan Sec 144 CrPC, 1973, (Act II of 1973) in thuneihna a pek angin a hnuaia khapna thupek hi Khawzawl District mipui ten an awm turin a chhuah.

1. Ram dang leh State thenawm atangin mi tumahin Vawk, Vawksa leh Vawksa atanga siam eng thil mah an la lut tur a ni lo. Hei hian Mizoram Sorkar-in a bika lakluh phalna a pekte chu a huam lovang.

2. Vawk thi reng reng tha taka phum vek tur a ni a, khamah emaw kawrah emaw paih mai mai loh tur a ni.

3. Vawk talh tur ten Vawk hrisel tha chauh an talhin an zuar tur a ni.

4. Vawk vulhtu/neituten Vawk damlo an hralh tur a ni lo.

He thupek zawmlo tute chu thubuai siam sak an ni ang a, IPC Sec. 188 hmangin hrem theih an ni ang. He thupek hian chhuah anih atanga thla hnih chhung a huam ang.