2724/2025-2026

Khawzawl, Dated 18th December 2025 : Vawiin khan Khawzawl DC Chamber-ah District Disaster Management Authority, Khawzawl (DDMA) chuan an chairman leh Bawrhsap Pu K. Vanlalthiana hovin mock drill neih dan tur an rel.

Mock drill hi chhiatrupna a thlen hun atana inenchhinna, inrinlawkna leh inpuahchahna a ni a, department hrang hrang mawhphurhna nei tur te'n an hlen chhuak tha em tih leh thawhhona a tha em tih endikna a ni. DDMA rel danin nakum hian mock drill pathum (3) neih tum a ni.

1. Fire (kangmei) mock drill - Khawzawl Senior Secondary School - 15th January 2026

2. Earthquake (lirnghing) mock drill - District Hospital, Khawzawl - 11th February 2026

3. Landslide (leimin) mock drill - Leitlahniam Bazar, Khawzawl Vengthar - 18th March 2026.

Heng mock drill-ah te hian Khawzawl District Disaster Management Plan (DDMP) a chanvo inpek dan ang zelin ruahmanna siam a ni ang.

Chairman Pu K. Vanlalthiana chuan mock drill hi inzirna tha tak niin hmang tangkai theuh turin a sawm a, a taka a thleng palh hlauh a nih pawhin mipui tana tha thei ang bera an chet theih nan heng mock drill te hi ngai pawimawh tur leh zir chiang turin a fuih a ni.