2489/2023-2024

Khawzawl, 25th October 2023: Election Commission of India chuan Dt. 09/10/2023 (Thawhtanni) Dar12:00 ah Mizoram MLA General Election 2023 neih hun tur chu a puang fel ta a. Election puan a nih atang hian Model Code of Conduct hman tan a lo ni ta a. Chuvangin, a hnuaia point hrang hrang te hi Dan bawchhiatna a ni a, man leh chawitir mai bakah Lung Ina khung theihnate a nih avangin mipuite fimkhur turin kan ingenin kan inchah e.

1. Mi tumahin phalna nei lovin Silai leh a mu kenchhuah phal a ni lo. Hei hian Airgun pawh a huam vek a ni.

2. Campaigner te'n pawisa faiRs 50,000/- bak an keng thei lo a, Star Campaigner te pawhin Rs 1,00,000/- chin, an party hriatpuina lehkha telin an keng thei ang.

3. Mipui vantlang hmunah party flag, poster, banner etc te tar phal a ni lo.

4. Mimal in leh a compound velah pawh a ram/In neitu phalna lo chuan tar phal a ni lo a. Mimal inah Flag 3 (pathum) aia tam tar phal a ni lo bawk.

5. DEO/DC in phalna a pek ni lo motor ah banner, flag leh poster tar phal a ni lo a, flag kan tar a nih pawhin a len zawng leh a san zawngah phal chin chauh a ni tur a ni. Commercial Vehicles - Taxi, Auto Rickshaw, Maxicab, etc ah pawh tar phal a ni lo.

6. Candidate te sum dil, intiamna neih tir phal a ni lova, Candidate te hian nomination an file atanga inthlanna zawhfel a nih hma chu cheng nuai 28 aia tam pawisa hman phal a ni lo.

7. Candidate te sum hman dan leh election chhunga sum chevel endik turin DC/DEO kahhruaina hnuaiah District Expenditure Monitoring Committee din a ni a, an ni hian sum kaihhnawi Dan bawhchhiatna reng reng chu Static Surveillance Team, Flying Squad Team leh Sector Officer hm angin uluk takin a vil reng a ni tih hriat tur a ni.

8. Bank a sum che vel pawh uluk taka vil a ni a. Election Commission of India in a rawn tirh Expenditure Observer leh Income Tax Officer ten kan District chhunga account chevel zawng zawng uluk takin an vil reng a ni.

9. Zu, Silai, pawisa fai leh Dan phal loh thil te man a nih chuan District Seizure Committee in Case a siam sak ang. Case a fel hma loh emaw, inthlanna zawh fel a nih hma chu pek let theih a ni lo ang.

10. Deputy Commissioner Office ah Election kaihhnawi Complaint Centre hawn a ni a, a hnuaia phone number tarlanah te hian engtiklai pawhin hriat duh zaw leh complaint thehluh theih reng a ni.

Khawzawl District mipuite inthlanna felfai leh ralmuang kan neih theih nan theihtawp chhuauh turin kan inngen a. Vote thlak vek turin District mipui vote neite kan sawm vek a che u.