No.958/2020-2021 

Vawiin khan Khawzawl District chhunga North East State dang atanga lo haw te khung hranna hmun (Quarantine Centres) te District Bawrhsap Pu H. Lianzela'n a tlawh.

Inkhung hranna  hi Khawzawl District ah hian hmun hnih - DC Rest House leh Forest Rest House ah te kalpui mek ani a. District Bawrhsap hian khung hran mekte pawh bia in mipui him tlanna atan a sawrkar hmalakna anih avangin thuawih taka lo awm turin a chah a. Khung hrante pawhin an hriatthiam thu leh harsatna hranpa sawi tur an neih loh thu an lo sawi a ni. Bawrhsap hian harsatna leh rawtna te an neih pawhin anmahni enkawltute hnenah sawi hreh lo turin a chah bawk a ni.

Khung hran mek te tana ei leh in buaipui tute pawh kawm in ei leh in dinhmun leh kalzel danturte an sawi ho bawk a.

District Bawrhsap hi SP Khawzawl, Addl. DC Khawzawl leh DFO Khawzawl ten an tawiawm a. Khawzawl District ah hian state dang atanga rawn haw khung hran mek hi DC Rest House ah mi 15 leh Forest Rest House-ah mi 6, an vai in  mi 21 an awm mek ani.