No.7380/2020-2021
Mizoram sawrkar thuchhuak Order No.B. 13021/101/2020-DMR/Vol-II dated 27.01.2021 in Sakhaw biaknainte 01.02.2021atangin inkhawmna tura hawn theih anih thu a chhuah bawhzuiin Pu Zothanmawia, Deputy Commissioner & Chairman, District Level Task Force on Covid-19, Khawzawl District chuan Khawzawl District chhunga inkhawmna hmuna zawm tur inkaihhruainate hetiang hian a chhuah:
1. Sakhaw biakna inah te chuan tum khatah mihring leng zat za zela 50 (50%) aia tam punkhawm loh tur a ni.
2. Zan lama inkhawm chu khap rih a ni.
3. Inkhawm zawng zawngin face mask vuah theuh tur a ni.
4. Inkhawm chhungin zai loh tur a ni.
5. Chil per tih tlem nan Sunday Sikul chu pawla inthen lovin pulpit atangin emaw khaikhawm mai ni se.
6. Zing tawngtai inkhawm chu mi 50 aia tam lovin la kalpui chhunzawm a ni ang.
Thuchhuah chuan sakhaw biakna hmunahte COVID-19 inkaidarh a nih loh nana invenna tura inkaihhruaina (SOP) siamte tha taka zawm tur leh Kohhran tinte chu 'SOP Implementation Committee' ruat turin a hriattir bawk a ni.
