4255/2024-2025

Khawzawl, dated 14th February 2025: Vawiin khan Khawzawl D.C Meeting Hall-ah DC Pu K Vanlalthiana hovin Khawzawl District chhunga kawng chhe zual leh a siamthat dan tur sawi ho a meeting neih a ni a, he hunah hian NHIDCL lam hotute leh Sawrkar Department hotute an tel a ni.

SDO Sadar Pu Suvigya S. Chandra, IAS chuan PowerPoint presentation hmangin Khawzawl District chhunga kawng dinhmun leh a chhiat dan te, kawngchhe lutuk siamthat a nih theihdan tur te leh PMGSY hnuaia kawngsiam mek te a sawifiah a, PWD Sr. SDO Pu Lalruatfela Rokhum hnen atangin hmalakna kal mek report ngaihthlak a ni bawk.

DC Pu K. Vanlalthiana chuan Khawzawl District chhunga kawng chhia vangin kuthnathawktuten harsatna an tawk fo thin nia a hriatthu sawiin, hemi kawngah hian a mamawhphurtu ten hma an lak a tul hle a ni tih a sawi a, he mi kawngah an hmalaknate chu DC-ah thlena an hmasawnnate leh an harsatna thlengin report pe turin a hriattir a ni.

He hunah hian Pu Lalfakzuala, Addl. DC, Pu Timothy R. Lalhmangaiha, BDO te leh Sawrkar Office a hotute an tel a ni.