2245/2023-2024
Khawzawl, 9th October 2023: Khawzawl DEO Pu K. Lalrohlua chuan a hnuaia mi ang hian hriattirna a tichhuak.
Mizoram Inthlanpui 2023 chu Election Commission of India chuan October ni 9, 2023 hian a lo puang ta a. Inthlan puan a nih takah chuan Model Code of Conduct pawh hman tan a lo ni ta a ni.
Chuvangin, Khawzawl District chhunga phalna tel lova vantlang hmuna political advertisement tar chhuah zawng zawng te chu inthlan puan atanga darkar 48 chhung ( 11.10.2023 , 03:00 pm) hma ngeia lak thlak vek tur a ni a. Hei hian banga ziah (wall writing), / posters/papers/ leh a dangte; cutout/hoardings ,banners, flags leh dangte vantlang hmun - Railway Stations, Bus Stations, Airports, Railway, Roadways, Govt buses, Electric/Telephone Poles, Municipal/local bodies, buildings te a huam ang.
