1762/2025-2026

Khawzawl, dated 7th October 2025: Vawin chawhma dar 11 khan DC Auditorium Khawzawlah Department heads zawng zawng, District Development Coordination and Monitoring Committee (DISHA) te chu Hon’ble Member of Parliament, Lok Sabha Pu Richard Vanlalhmangaiha leh Hon’ble Member of Parliament, Rajya Sabha Pu K. Vanlalvena hova October ni 16, 2025 a committee neih tur atan inbuatsaihna neih a ni a, Bawrhsap Pu K. Vanlalthiana’n a kaihruai.

Khawzawl Bawrhsap Pu K. Vanlalthiana chuan lo kal khawm te chu meeting tur a an lo kal theih avagin lawmthu a sawi a, he hun pawimawh tak hi department hmasawnna leh district hmasawnna a nih ngei theih nan tangruala theihtawp chhuah turin a sawm a ni.

SDO (Sadar) Pu Suvigya S. Chandra chuan PowerPoint presentation hmangin DISHA awmzia leh a thiltum te a sawi a, presentation zawh hian sawihona hun a awm nghal a ni. Department hrang hrang scheme chan leh hna thawh zawh tawh te sawi ho a ni a, hma lak zel dan tur leh MP te hnena thlen tur te sawi ho a ni bawk.

He hunah hian Line Department hrang hranga hotute te kim takin an tel a ni.

DISHA hi sawrkar laipui hmalakna niin district-a hmasawnna chak zawk leh mumal zawk a awm theih nana sawrkar hnathawkte thawhhona tha siam a tum a, thla 3 danah an inhmukhawm thin a ni. Ministry of Rural Development hmalakna a ni a, Member of Parliament, Lok Sabha hi chairman niin Bawrhsap hi member-secretary a ni.