No.2619/2021-2022

Chairman Pu C. Lalrosanga chuan Khawzawl District tana Ministry of Rural Development hnuaia hmasawnna hna thawh hrang hrangte thlirhona DISHA meeting tum khatna neih theih ani chu lawmawm a tih thu a sawi a, District headquarters-ah ngei DISHA meeting neih a duh hle rualin Covid-19 hripui len lai a nih vangin meeting chu video conferencing hmanga buatsaih anih tak thu a sawi a. DISHA hi mipui thlan hruaitute (elected representatives) leh sawrkar hnathawk te'n tha zawka hmasawnna hna an thawhho theihna tura forum pawimawh tak niin District hmasawnna atana hmang tangkai turin Chairman chuan member tinte a chah a.

Khawzawl District chu District din thar a nih piah lamah Mizoram hmun pawimawh lai
taka awm a nih avangin DISHA meeting hmanga hmasawnna hnathawh hrang hrang
thlirho hi a pawimawh lehzual a nih thu Chairman chuan a sawi bawk.

Meeting a tarlan a nih danin kum 2021-2022 1st leh 2nd quarter chhungin DRDA, Khawzawl District hnuaia khaw 38 ah Mahatma Gandhi NREGA hmangin job card neitu chhungkaw 8472 te hnenah hna chi hrang hrang 601 hmangin ni 58 inhlawhna siam sak tawh a ni a, mipui inhlawhna pawisa cheng nuai 1138.26 chu job card neitute bank account-ah thun tawh a ni. Kumin financial year kal mekah hian ni 100 inhlawhtlin ngei tum a ni. Mahatma Gandhi NREGA leh Central Schemes dang heng Jal Jeevan Mission, Jal Shakti Abhiyan-Catch the Rain Campaign, Shyam Prasad Mukherjee Rurban Mission leh FOCUS project-te pawh Khawzawl District-ah thawhho (converged) neia kalpui a ni.

Pradhan Mantri Awaas Yojana-Gramin (PMAY-G) hnuaiah Khawzawl District-ah in 51 sak zawk tawh a ni a, insak tanpuina dawng tur chhungkaw 719 thlan leh tawh niin, Sawrkar laipui atangin tanpuina pawisa pawh dawn thuai beisei a ni. Shyam Prasad Mukherjee Rurban Mission (SPMRM) hmangin Khawzawl Rurban Cluster-a khaw 13 te tan hmasawnna hna hrang hrang Centrally Sponsored Schemes dangte leh Critical Gap Funding hmangin thawh mek a ni bawk a, kum 2021-2022 chhung hian hna kal lai mek chi hrang hrang heng agriculture link road, solar street light, playground laih, tomato chin, Village Organisation in sak, internal road siam leh a dangte thawh mek a ni.

Mizoram State Rural Livelihood Mission (MzSRLM) hnuaiah kum 2021-2022 chhungin Self Help Group (SHG) 5 din thar a ni a, SHG 53 te'n hna hrang hrang thawh nan bank loan an la a, SHG member-te zing atangin Banking Correspondent (BC) Sakhi ni thei turin mi 16 in examination an pass thar a, September thla chhung khan khaw tinah Rashtriya Poshan Maah Campaign hman a ni.

Public Works Department hnuaiah Pradhan Mantri Gram Sadak Yojana (PMGSY) kaltlangin khaw hrang hrang inkalpawhna tur kawng km 116.01 a thui, cheng vaibelchhe 105.60 hmangin thawh mek a ni a, heng hnate hi Sawrkar laipui duh dan anga March ni 31, 2022 a thawh zawh vek a nih theih nan chak zawka thawh nise tih a ni. Public Health Engineering Department hnuaiah NABARD loan hmangin khaw hrang hrang 7 ah Water Supply Schemes thawh mek a ni a. Jal Jeevan Mission hnuaiah khaw pahnih Riangtlei leh Lungtan tan Water Supply Scheme thawh zawh tawh a ni bawk. Deen Dayal Upadhyay Gram Jyoti Yojana hnuaiah Power & Electricity Department kaltlangin  Khawzawl District chhunga power supply tha zawk pek a nih theih nan hna hrang hrang thawh a ni.

Pradhan Mantri Awaas Yojana-Urban (PMAY-U) hnuaiah Khawzawl District-a notified town pathum Khawzawl, Khawhai leh Biate atangin insak tanpuina dawng tur chhungkaw 2072 an awm mek thu leh 1st installment sum hi chhungkaw 896 in an dawn tawh thu meeting-ah hian tarlan a ni a. Deendhayal Antyodya Yojana National Urban Livelihood Mission (DAY-NULM) kum 2021-2022 chhungin Self Help Group 13 din tawh niin, he Scheme hnuaiah hian Shelter for Urban Homeless chu Khawzawl Dinthar vengah sak mek a nih thu tarlan a ni bawk.

Prime Minister's Employment Generation Programme (PMEGP) hnuaiah kum 2021-2022 chhungin Khawzawl District tan margin money cheng nuai 100 hmanga eizawnna bul tanna tur project hrang hrang 40 atan tanpuina pek tum niin, tun dinhmunah project 30 thlan tawh a ni bawk.

Khawzawl ICDS Project hnuaiah kum 2021-2022 chhung hian vitamin B complex 5262 bottles, edible oil 975 litres, calcium tablets 398, motor channa 3228 kg, chi 4350 kg, biscuit 4874 kg, mung dal 6749 kg, maida 2157 kg leh chini 672 kg sem chhuah tawh a ni. Pradhan Mantri Matru Vandana Yojana Scheme hnuaiah Khawzawl District a nu nau pawm mi 99 te hnenah tanpuina Rs. 4,81,000/- pek chhuah tawh a ni tih meeting-ah tarlan a ni a. Indira Gandhi National Old Age Pension Scheme hnuaiah tar pension mi 750 te hnenah pek mek a ni a, Indira Gandhi National Widow Pension Scheme hnuaiah hmeithai 59 te tanpuina pek mek niin, Indira Gandhi National Disability Pension Scheme hnuaiah disabled pension mi 19 te hnenah pek mek an ni bawk.

Irrigation and Water Resources Department pawhin Pradhan Mantri Krishi Sinchayee Yojana (Har Khet ko Pani) hnuaiah minor irrigation project 4 (Bawnzawl MIP, Phaisen Hmar MIP, Tuiphal Phase-II MIP leh Khuangthli MIP) te an kalpui mek a, hei bakah hian Ministry of Jal Shakti hnuaiah Tuisen Ground Water Irrigation Project an kalpui mek bawk.

National Health Mission (NHM) hnuaiah January-September 2021 chhungin naupiang 271 an awm a, nausen thi 9 awmin Infant Mortality Rate chu 33.5 a ni a, nu nauchunga thi an awmlo thung. Damdawiin a naunei JSK tanpuina dawng mi 197 an awm a, JSSK tanpuina dawng mi 238 an awm bawk. National Programme for Control of Blindness hnuaiah school naupangte mit endikna hmangin a thlawna tarmit pek leh zai case 872 an awm bawk.

DISHA, Khawzawl District meeting-ah hian Co-Chairman Pu K. Vanlalvena, MP (Rajya Sabha) bakah Pu L. Thangmawia, MLA, Lengteng Assembly Constituency, Pu C.C.
Lalchhuangkima, Deputy Commissioner, Khawzawl District, Pu Lalrohlua, Project
Director, DRDA leh DISHA member dangte an tel a ni.