4438/2025-2026

Dated Khawzawl, the 12th February, 2026: Vawiin khan Mizoram Government Land Pooling & Management Scheme hnuaia Khawzawl District Level Government Land Authority chu an Chairman Khawzawl Bawrhsap, Pu K. Vanlalthiana hovin DC Office Chamber, Khawzawl-ah an thukhawm.

Meeting-ah hian Khawzawl Town chhunga Department hrang hrangin hmunhma/ram an neih dan leh Office awm thar turte hmunhma mamawh dan te ngaihthlak a ni a. Department hrang hrang hmunhma leh ram la neilote leh mamawhte sawiho niin hmunhma remchangte ngaihtuahsak an ni a, ram leh hmunhma nei tawhte pawhin a hma lama hma la tura hriattir an ni. Department hmunhma la tihfel lohte pawh an neih theih nana hmalak dan ngaihtuah chhunzawm nise tih a ni. He meeting ah hian Khawzawl khawpui chhunga District Head of Office te an kal tha hle a ni.