4091/2025-2026

Dated Khawzawl, 21st January, 2026 : Vawiin khan Khawzawl District Level Task Force (DLTF) chu Pu K. Zorammuana, Addl. Deputy Commissioner, Khawzawl hovin DC Auditorium-ah Ruihhlo do chungchang ngaihtuahin an thukhawm.

Chairman-in a sawm angin Khawzawl District-a Ruihhlo do kawnga hmalatu Police leh Excise & Narcotics Department leh Sub-Headquarters YMA leh NGOs te VC hrang hrangte, MHIP, MUP leh VDP te hnen atangin hma an lo lak tawh dan leh Khawzawl District a ruihhlo chungchanga dinhmun awm dan mekte report ngaihthlak a ni a. Agenda pathum hmangin hmalak zel dan tur leh thawhho dan turte sawi ho a ni. Ruihhlo la ti ve lote ven dan turte, chumi atan chuan School leh College-ah te a tam thei ang bera Awareness pe tur leh tuna ruihhlo ti mekte enkawl dan turte sawi ho a ni bawk. Tuna Khawzawl District a Home awm tihchangtlun dan turte leh hmalakna tur hrang hrangte sawiho bawk a ni.