Tunlai hripui leng mek inkaichhawn awl tak, Novel Coronavirus (COVID-19) laka mipuite him theihna turin  Mizoram Sawrkar chuan Sawrkar laipui dungzuiin ni 21 chhung  inkharkhipna (lockdown) a kalpui hnuah ni 14 dang, May Ni 4 atanga  17, 2020 thleng awh tur inkharkhipna kalpui lehna tur  thupek chu  May Ni 3, 2020 khan  Vide No.B 13021/101/2020-DMR/Pt-III dt. 2nd May, 2020  kaltlangin a chhuah a, he thupek Para G (3)-na in a tarlan angin leh Khawzawl District mipuite hripui laka an  him ngei theihna turin Pu H.Lianzela, District Magistrate & Deputy Commissioner, Khawzawl District chuan  Sec 144 CrPC, 1973 (Act II of 1973) leh Sub-regulation (1)  of Regulation 11 of the Mizoram Epidemic Diseases (COVID-19) Regulations-2020-in thuneihna a  pek angin  a hnuaia thupek thar hi a chhuaha, Sawrkarin  thupek chhuah hmasak a tih danglam leh hret avangin he thupek hian hemi chungchanga thupek lo tihchhuah tawh  vide even No. dt. 3rd May, 2020 chu a rawn luahlan a ni. Thupek hi  Khawzawl District-a mi zawng zawngte  zawm tura chhuah a ni.

1.     May Ni 4, 2020 (Thawhtanni) atang hian thu leh awm hma chu Zan dar 7:00 leh Zing dar 4:00 inkarah CURFEW puan a ni a, hemi hun chhung hian  tumah pawn chhuah phal a ni lo. Hei hian COVID-19 dona a hmalatu duty-te leh Deputy Commissioner-in phalna a pekte a huam lovang.

2.    Tul bik thilah lo chuan tumahin chhunlamah pawh mahni in leh compound an chhuahsan tur a ni lo a,  eizawnna avang leh loh theih loh thil avanga an chhuahsan a nih pawhin mi 5 aia tam punkhawm phal a ni lo.

3.    Khawpui leh Khaw lian zawk - Khawzawl, Khawhai, Biate leh Kawlkulh a  hmun lunlai/dawrkawna dawr inthenawmte chu VLTF-te enpuina hnuaiah  nikhat kar danah an in hawn chhawk ang a, a ni zawnin dawr pakhat inhawn phal a ni lo a, dawr inthenawmte nikhatah a rualin an inhawng tur a ni lo. Hei hian mihring leh ran damdawi dawr leh clinic-te a huam lovang. 

4.    Restaurant, Public park, Picnic spot, Gym, Spa, Beauty parlour, Community hall, Bazarpui, Shopping complex, Mall leh intawllenna hmunte chu hawn phal a ni lo.

5.    Tuallai leh kawtthlerah thil zawrh (Street vending) phal a ni lo. 

6.    Dawr zawng zawng (Damdawi dawr tiam lovin) tlai dar 5:00 hnuah hawn phal a ni lo a, mi 3 aia tamin dawr pakhat an nghak tur a ni lo. Dawr nghaktuten face mask an hmang reng tur a ni.

7.    Mipui punkhawmna, heng - inneih lawmna (reception),  lungphun, anniversary leh birthday lawmna, games & sports, book release, politics leh pawl thila kalkhawmna, intihhlimna ang chi reng reng huaihawt phal a ni lo.

8.    Inneih inkhawm leh mitthi vuina-ah mi 20 aia tam punkhawm phal a ni lo.

9.    Pawn chhuak tur, lirthei (commercial passenger vehicle)-a chuang leh damdawiin a kal tur reng reng chuan face mask emaw hmanraw dang hmangin hmai an tuam ngei tur a ni a, hmai tuam lovin pawn chhuah  phal a ni lo. 

10.    Nitin mamawh ni lo (non-essential commodities) bungraw dang lalut turte chuan mCOVID-19 mobile application-a mPass  hmangin Home Department phalna an la hmasa tur a ni a, he phalna neilo State dang atanga Motor lokalte chu Khawzawl District-ah  luh phal a ni lo.

11.    Khaw kar kawnga passenger phur lirthei (Commercial passenger vehicle)-te leh mimal lirtheite chu Sawrkar thupek dungzuia an Registration number ‘odd-even” anga  tlan hun tur siam ni lo ah  tlan  phal a ni lova,  an passenger phurh theih zat bituk seating  capacity atanga 50% aia tam phur pawh phal a ni lo bawk. Hei hian duty nana hman Sawrkar hnathawkte motor, LLTF/VLTF duty-te lirthei, ambulance leh medical emergency-a hman motor te, print & electronic media mi te motor, bawlhhlawh paih motor, bawnghnute phurh/sem na motor-te a huam lovang. 

12.    Ram pawn atanga lo lut mikhualte tumahin thlen (mikhual) phal a ni lo. Hei hian Home Department emaw Deputy Commissioner-te phalna neite a huam lovang.

Thupek zawm lo chu IPC Sec. 188, Section 51 atanga 60 of The Disaster Management Act, 2005 leh The Mizoram (Containment & Prevention of Covid-19) Ordinance, 2020 hmanga hrem theih an ni ang. 

He thupek hian chhuah a nih atanga thla 2 (hnih) chhung emaw,  he khapna chungchanga  thupek dang tihchhuah leh hma zawng chu a huam ang.

Thupek hi May Ni 4, 2020 khan Pu H.Lianzela, District Magistrate & Deputy Commissioner, Khawzawl District chuan District Magistrate Seal chhu-a nemnghetin  hming a ziah hnan a ni.