No.3775/2021-2022
Aizawl, the 23rd, 2022: Khawzawl District huamchhunga Covid-19 hri leng zel tur ven nan leh hri inkaidarh zel a lo ziaawm theih nan Mizoram Sawrkar thuchhuah bawhzuiin Pu C.C. Lalchhuangkima, District Magistrate, Khawzawl District chuan Disaster Management Act, 2005 hnuaia Section 22(2)(h) & 24(1) in thuneihna a pek angin Khawzawl District puma hman tur 'COVID-19 No Tolerance Week' inkaihhruaina, 24.01.2022 atanga ni 31.01.2022 zanlai dar 12:00 thlenga hman tur inkaihhruaina nimin January ni 22, 2022 khan a chhuah.
No Tolerance Week hman chhunga inkaihhruaina zawm turte chu hetiang hi a ni.
1. Khawzawl District puma hman tur Covid-19 inkaihhruaina chhuahte chu he mi hun chhung hian khauh taka kenkawh tur a ni.
2. VLTF ten anmahni khua/veng ah CAB tha takin an kengkawh tur a ni.
3. Head of Department/ Head of Office ten anmahni Department/Office-ah khauh takin CAB an kengkawh tur a ni.
4. Incident Commander/Zonal Officer ten an bial chhung theuhah CAB zawm a nih leh nih loh an enzuiin an bawhzui ang.
5. Superintendent of Police in CAB khauh taka kengkawh turin Police Duty-na hmun bikte siamin, hmun hrang hrang fang kualtu tur a ruat ang.
6. Information & Public Relations Department in media hrang hrang hmangin CAB tha taka zawm a pawimawhzia uar takin an thehdarh (campaign) ang.
7. VLTF te leh CAB Implementation Committee te chuan anmahni khua/vengah CAB tha taka zawm a nih theih nan a khat tawkin thu an puang fo thin tur a ni.
