No.4114/2021-2022
Aizawl, the 25th February, 2022: Khua a thal chhoh leh tan avang leh, Lo/huan hal a lo hun leh dawn tak avangin Khawzawl District chhunga mipuite leh ramngaw, thing leh mau, nungchate an him theihna turin leh lo/huan hal piahlama mimal leh a huhova ram vak, lui kal leh a dangten ram an tihkan loh nan Pu C.C. Lalchhuangkima, District Magistrate, Khawzawl District chuan Sec. 144 CrPC. 1973 (Act Il of 1973) in thuneihna a pek angin a hnuaia khapna thupekte hi mipuite zawm turin a chhuah.
1. Mi tumahin ramhnuaia an meichhem timit lovin an kalsan tur a ni lo.
2. Mi tumahin ramhnuaiah an meizuk tihlum hmasa lovin an paih/kalsan tur a ni lo.
He thupek hian Khawzawl District pum a huam ang a, sut leh a nih loh chuan tihchhuah a nih atanga thia hnih (2) chhung atan hman tur a ni.
He thupek bawhchhiate chu Section 188 IPC hmanga hrem an ni ang.
