Sec 144 CrPC, 1973 (Act II of 1973) leh Mizoram Epidemic Diseases (COVID-19) Regualtions-2020, Regulation 11 hnuaia Sub-regulation (2)(c) in thuneihna a pek angin, Khawzawl District Magistrate Pu H.Lianzela chuan COVID-19 hrileng mek laka Khawzawl District mipuite an him theihna turin Khawzawl District huamchhungah mi 10 aia tam punkhawm khapna vawiin March Ni 21, 2020 hian a tichhuak. Vawiin a khapna thupek chhuah thar hian nimin March Ni 20, 2020 a Prohibitory Order lo tihchhuah tawh mi 20 aia tam punkhawm phal loh tih kha a rawn luahlan a ni.
Khapna thupek hian Hospital/Medical emergencies lama thawktute, Dan leh thupek kengkawhtute, thihna emaw rikrum thil avanga abika phalna pekte bakah COVID-19 laka him theihna tura hnathawktute erawh a huam tel lo a ni. Thupek zawm lo chu IPC Sec.188 hmang a hrem theih an ni a, thupek hian chhuah anih atanga thla hnih chhung a huam ang.
