No.2223/2020-2020
Vawk natna hlauhawm tak African Swine Fever (ASF) chu tunlai hian Assam, Arunachal Pradesh leh thenawm ram Myanmar-ah te a leng mek a, Assam Ieh Arunachal Pradesh-ah chuan Vawk sanghnih (20000) zet an thi tawh a ni. African Swine Fever (ASF) hi natna hlauhawm tak inkaichhawn awl tak, a venna (Vaccine) leh enkawlna damdawi awmlo niin, a hri vei zaa za (100%) in an thih pui theih natna a ni a, Vawk leh Vawk atangte, Sanghal (wild boar) leh vawksa atanga eitur siam atanga awlsam taka inkaichhawn theih a ni.
African Swine Fever leng mek laka Khawzawl District-a him leh mipuiten harsatna leh buaina an tawh lohna turin Khawzawl District Magistrate Pu H.Lianzela chuan Sec 144 CrPC, 1973 (Act II of 1973) in thuneihna a pek dungzuiin a hnuaia khapna thupek hi Khawzawl District mipui te zawm turin a chhuah a ni.
1) Ram dang leh State thenawm atangin Vawk, Vawksa leh Vawksa atanga Siam eng thil mah lak luh leh thawnchhuah phal a ni Io.
2) Vawk thi reng reng paih mai lovin, thuk takah phum thin tur a ni.
3) Vawk talh tur te'n Vawk hrisel tha chauh an talhin an zuar tur a ni.
4) Vawk vulhtu/neitute'n Vawk damlo an hralh tur a ni Io. He thupek zawm Io tute chu thubuai siamsak an ni anga, IPC Sec. 188 hmangin hrem theih an ni ang.
He thupek hian chhuah a nih atanga thla hnih (2) chhung a huam ang.
He thupek hi Khawzawl District Magistrate Pu H.Lianzela chuan Seal nemin June Ni 19, 2020 hian hming a ziah hnan a ni.
