2874/2023-2024

Khawzawl 29th November 2023: Vawiin khan Khawzawl DC Office Chamber-ah Khawzawl District Narcotics Coordination Center (NCORD) an thukhawm a, Khawzawl Bawrhsap Pu K. Lalrohlua chuan meeting hi a kaihruai a ni.

Khawzawl SP Pu Lalchhuanthanga chuan report pein, Khawzawl District chu NCORD-a District titha ber pawl a nih thu a sawi a. October leh November thla chhungin Khawzawl District-ah ruihhlo (drugs) man a awm lo tih a tarlang a, inthlan vuakvetah zu cheng nuai 13 man hu man a ni thung. Police lam hian zu siamna hmun leh motor-te check-in ‘Special Drive’ ngawrh taka an neih thin thu te, Khawzawl Kawnzar vengin Anti-Drugs Squad an din thu leh ‘Special Drive against Drugs and Liquor’ chu October ni 9, 2023 atangin ngawrh taka kalpui a nih thu SP hian a sawi bawk.

Meeting-ah hian Drugs Awareness Campaign hi kumin chhungin khaw 28 ah neih tum a nih thu leh Superintendent of Police lamin kumin chhunga awareness an neih theih tak lohna khua zawng zawng te chu December thla chhunga neih hman vek an tum thu ngaihthlak a ni a. Heng bakah hian Pu Lalruatzuala Sailo, Cod Nerc in report pe chhunzawmin Khualen leh Neihdawnah te awareness campaign hlawkthlak tak neih tawh a nih thu leh, December thla chhungin Kawlkulhah awareness hi neih leh tum a nih thu a sawi. District Hospital, Khawzawl atangin Pi Lalrinpuii Sailo in report pein Arro, Pamchung leh Dulteah te awareness campaign hi hlawhtling taka neih a nih tawh thu leh hmabak la awm te thahnem ngai taka hlenchhuah an tum thu te ngaihthlak a ni bawk.

Meeting hian December ni 4-8 chhung hian Govt. Khawzawl Higher Secondary School-ah ‘Ruihhlo Do’ chungchang Joint Awareness campaign neih ni se, ruihhloa la inhnamhnawih ve lo te venhim an tul zia uar leh zau zawka hrilhriat an nih theih nan programme hlawhtlng tak hman ni se tiin a rel a ni.