1589/2026-2027

Dated Khawzawl, the 30th July, 2026 : Vawiin khan Khawzawl District Narco Coordination Centre (NCORD) Committee chu July thla atan Addl DC Pu K. Zorammuana kaihruaiin DC Conference Hall, Khawzawlah an thukhawm a. NCORD Member Secretary leh Khawzawl District SP ni bawk Pu F. Lalbiakzauva chuan July thla chhunga Khawzawl Police-ten ruihhlo an man dan report pein, Asst. Commssioner, Excise & Narcotics Station Pu Joseph C Lalhmangaihzuala pawhin ruihhlo dona kawnga Excise Station Khawzawl hmalakna te a tarlang bawk.

Khawzawl SP Pu F. Lalbiakzauva chuan July, 2026 chhungin Khawzawl Police ten Heroin Gram 198, Cheng Nuai 39 chuang man leh Methamphetamine Cheng Nuai 377 chuang man an man thu a tarlang a, heng kaihhnawihah hian Case 6 Khawzawl Police Stationah ziahluh niin, mi 8 man an nih thu a tarlang bawk a. Ruihhlo do kawngah hian tan ho a pawimawhzia uar taka sawi ho a ni a. Supply, demand leh harm reduction-a mawhphurtuten theihtawp chhuah thar zel nise, Awareness campaign pawh uar zawk a kalpui zel nise ti a rel a ni bawk. Anti Tobacco Squad member-te atangin an hmalakna ngaihthlak a ni bawk a, mipuite hnenah puipunna hmuna zial zu lo tura in zirtirna nasa zawk a thehdarh nise tih a nib awk. He hunah hian NCORD member leh sawmbikte an kal tha hle.