No.6964/2020-2021 


Vawiin chawhnu dar 2:00 khan Khawzawl District Skill Committee (DSC) chu an Chairman Pu Zothanmawia, Deputy Commissioner, Khawzawl District hovin DC Conference Hall-ah an thukhawm. Vawiina meeting hi Labour Employment, Skill Development and Entrepreneurship (LESDE) department hnuaia Pradhan Mantri Kaushal Vikas Yojana (PMKVY) 3.0 kalpui dan tur chungchang, December ni 10, 2020 a biakhmuhtheihna kaltlanga meeting neih tawh bawhzuina a ni.

Meeting kaihhruaitu Pu Zothanmawia chuan PMKVY hnuaia training thlan theih hrang hrang zingah Khawzawl District mamawhna leh thalaite theihna ngaihtuah chunga thlan thiam a pawimawh tih a sawi a. Pu H. Lalramenga, SDC in PMKVY 3.0 chungchang sawifiahin, District Skill Committee chu PMKVY hnuaia District mipuite training na tur (job role) thlan kawnga mawhphurtu a nih bakah, an training chhung leh training zawh, hna an zawn thlenga enzuitu pawimawh tak a ni tih a tarlang. 

Hemi hnu hian DSC member-te chuan Training na tur thlan theih hrang hrang zing atangin Khawzawl District in a mamawh leh, mipui tana tangkai tur ni a hriatte sawihoin an thlangchhuak a ni.

Attachment

  • Loading attachment...