2860/2023-2024

Khawzawl, 28th November 2023: Vawiin khan Khawzawl District Sports Committee chu an Chairman Khawzawl Bawrhsap Pu K. Lalrohlua hovin a pisaah an thukhawm.

Vawiin thutkhawmah hian Khawzawl District Sports Committee sum dinhmun te ngaihthlak a ni a. Thutkhawm hmasak thurel bawhzuia Association hruaitu leh hmachhawp District Sports Committee hnenah thehlut Association 10-te hnenah tanpuina pawisa fai cheng 10,000 theuh pek ni se tia rel a ni.

Committee-ah hian Khawzawl Vengthar FC te chu Captain Jintu Gogoi (Vir Chakra) Memorial Tournament, Tinsukia, Assam-a December ni 8-15 neih turah Mizoram aiawha sawm an nih thu ngaihthlak a ni a, District Sports Committee Chairman-in an document tul ang te lo buaipui sak se tia thu dah a ni.

Vawiin meeting-ah hian Khawzawl District chhunga Sports Association hrang hrang aiawh te leh District Sports Committee OB leh ex-officio member te an tel.