No.2297/2021-2022

Aizawl, the 22nd September, 2021: Khawzawl Kawnzar Village Level Task Force ten an veng chhung Covid-19 hrileng dinhmun uluk taka thlir chunga Covid-19 positive contact tracing tih a awlsam zawk nan leh, hrileng darh zel tur venna atan Restricted Area-a puang tura an ngenna leh Medical Team, Khawzawl District thurawn bawhzui nan Pu C.C Lalchhuangkima, Deputy Commissioner & Chairman, District Disaster Management Authority, Khawzawl District chuan Section 34 (b), 34 (c) leh 34 (m) of the Disaster Management Act, 2005 tlawhchhanin Khawzawl Kawnzar chu September ni 21, 2021 tlai dar 5:00 atanga thu leh awm hma Restricted Area-ah a puang. Restricted Area-a hman tur inkhuahkhirhna Khawzawl District Bawrhsap-in a tihchhuah tawh chu khauh taka kenkawh tur a ni ang.

Nimin tlai vek khan August ni 31, 2021 a Containment Zone-a puan, September ni 7, 2021 a Restricted Area-a puan chhunzawm Biate khuaa hrileng dinhmun uluk taka zirchian a nih hnuah hrileng inkaidarh zel a awm tawh rih loh avangte leh, Primary High Risk contact-te pawh test zawh vek an nih avangin Deputy Commissioner & Chairman, District Disaster Management Authority, Khawzawl District chuan Section 34(m) of the Disaster Management Act, 2005 in thuneihna a pek angin Restricted Area/Containment Zone an nihna a hlip nghal bawk. Khawzawl District-a hman tur Covid-19 vanga inkhuahkhirhna tihchhuah tawh chu hman chhunzawm tur a ni ang.