86/2026-2027

Dated Khawzawl, the 8th April, 2026 : Vawiin khan KVK Khawzawl chuan KVK Training Hall-ah leitha pek dan chungchang inzirtirna hun an hmang a. He hun hi Dr. Malsawmkimi, Senior Scientist & Head KVK chuan a kaihruai a, Pi R. Vanlalduati, Subject Matter Specialist, (Soil Sc.) KVK Khawzawl chuan he huna kalkhawmte hnenah leitha inbuk tawk lo peka nghawng tha lo thleng thei te sawiin, zirtirna a pe a ni.

Dr. Malsawmkimi chuan thlaichi a chin hun taka semchhuah a ni thei chu lawmawm a tih thu sawiin, chhungtinte mahni kan intodelh theih a thatzia leh phailam atanga chahchhuahte aia mahni tharchhuah ngei ei a hrisel thu kalkhawm te hnenah a sawi bawk a. IARI-NEH Scheme hnuai atangin thlai chi chi hrang hrang Khawzawl district chhunga khaw hrang hrang atanga lo kal mi 210-te hnenah an pe chhuak bawk.