No.2176/2021-2022

Aizawl, the 9th September, 2021: Khawzawl Lungvara Covid-19 hrileng inkaidarh tur ven nan leh, mipuite hri laka an him zawkna tura VLTF te ngenna anga CMO Champhai District aiawhin zirchianna leh rawtna a neih bawhzui nan, Pu C.C Lalchhuangkima, Deputy Commissioner & Chairman, District Disaster Management Authority Khawzawl District chuan Section 30(2)(xviii) leh Section 34(m) of the Disaster Management Act, 2005 tlawhchhanin Khawzawl Lungvar Veng chu vawiin September ni 9, 2021 atanga thu leh awm hma Restricted Area-ah a puang.

Khawzawl Lungvar Restricted Area-a puan belh a nih tak avangin Khawzawl DC Office Order No.J. 12019/17/2021-DC(KZL)/VOL-XIV dated 07.09.2021 chu hetiang hian tih danglam a ni:

Clause 3 a 'Khawzawl Vengthar, Biate leh Chawngtlai khuate chu thu leh awm hma Restricted Area-ah puan a ni' tih chu, 'Khawzawl Vengthar, Biate, Chawngtlai leh Khawzawl Lungvar (ni 09.09.2021 atangin) te chu thu leh awm hma Restricted Area-ah puan a ni' tiin thlak a ni.