No.6513/2020-2021

Khawzawl, the 11th November, 2020: Vawiin chawhma dar 10:00 khan Khawzawl Quick Response Team (QRT) member-te chu  District Hospital Meeting Hall, Khawzawl Hermon Veng-ah First Aid pek dan chungchang zirtir an ni. 

Training hi Dr. Frank Harris, Medical Superintendent, District Hospital, Khawzawl chuan kaihruaiin QRT member-te lawmna thu a sawi a. Hemi hnu hian Dr. Albert Lalhminghlua, Medical Officer-in First Aid chungchang topic hrang hrang hmangin training a pe chhunzawm a ni. 

Training-ah hian QRT member-te chu First Aid awmzia leh pawimawhna hrilhhriat an nih bakah, inhliam palh leh natna chi hrang hrang thleng thei Thisen zam (blood vessel) hliam, Ruh tliak leh khi, nikhaw hre lo a damlo awm, CPR leh a dangte rang taka bawihsawma First Aid pek dan tur powerpoint presentation hmanga zirtir niin,  a taka entir zel an ni bawk.

Quick Response Team puala First Aid pek dan inzirtirna hun hi Dr. Zozikpuii, Medical Officer-in lawmthu sawina hun a hman hnuin khar a ni.