No.5416/2020-2021 

Dated Khawzawl, the 24th September, 2020: Nimin September 23, 2020 chawhnu dar 2 khan Zaingen Branch YMA Hall, Khawzawl-ah Village Level Task Force tharte tan Covid-19 chungchanga hriattur pawimawhte inhrilhhriatna hun hman a ni. He hunah hian Khawzawl khawpui chhunga VLTF te atangin aiawh pahnih theuhte leh District Level Task Force on Covid-19 (DLTF) member-te an tel bawk a ni.

He hun hi Pu Zothanmawia MCS, Khawzawl Deputy Commissioner leh DLTF Chairman ni bawk chuan kaihhruaiin,  VLTF te puala inzirtirna hun buatsaih  chu VC member thlan thar engemawzat VLTF hruaitu nitate puala ruahman anih thu a sawi a. Covid-19 hrileng dona kawnga hriattur pawimawh hrang hrangte inhrilhhriat thar leh a ngaih thu  sawiin, he hun chhimtute  hun hlawkthlak tak hmang turin duhsakna a hlan a ni.

He inhrilhhriatna hunah hian Pu PC Lalchunglura, Superintendent of Police, Khawzawl District hnen atangin  Law & Order kaihhnawih VLTF te hriattur ngaihthlak a ni a. Pu Lalrohlua, Additional DC, Khawzawl District chuan Covid-19 chungchanga dan leh hrai (Acts & Rules) hriattur pawimawhte a sawifiah a.Dr. Zozikpuii, Medical Officer, Khawzawl District Hospital hnen atangin Medical kaihhnawih VLTF te hriattur ngaihthlak a ni a. Pi K. Lalsiamliani, SDEO, Khawzawl chuan  School hawn dan chungchanga hriattur tulte a sawi a.  Pu H. Lalramenga, SDC, Khawzawl District chuan  Khawzawl District-a lo hawte chungchang leh enkawl zui dante, VLTF te pawimawhna leh an mawhphurhnate a sawifiah bawk.

Hriat tur tulte inzirtirna hun buatsaih zawhah hian zawhna leh chhanna hun hman chhunzawm  a ni bawk.