2866/2025-2026

Khawzawl, dated 12th January 2026: Zirtawpni January ni 9, 2026 khan Khawzawlah Republic Day vawi 77-na hman dan tur Khawzawl Bawrhsap Pu K. Vanlalthiana hovin rel a ni.

Republic Day hi January ni 26 zing dar 8-ah Mualvawm Field-ah hman tur a ni ang a, Bawrhsapin thu a sawi ang. Armed contingent 2nd IR Battalion, unarmed contingent NCC Khawzawl HSS leh school contingent 8 an awm ang a, a titha zual hnenah lawmman pek a ni ang. Republic Day lawmna programme zawh hian VIP At Home programme hman a ni bawk ang. He hun atan hian department hrang hrang chanvo insem a ni a, rehearsal vawi 3 - January ni 21, 22 leh 23-ah neih a ni bawk ang.