2481/2025-2026

Khawzawl, dated 2nd December, 2025: Vawiin chawhma dar 10:30 khan Govt. Khawzawl College, History Deptt. lehkhabu siam "A Study of Various Localities in Khawzawl Town" tih chu Govt. Khawzawl College Multipurpose Hall-ah PHE EE Er. Liantluanga Chawhte chuan a tlangzarh.

Er. Liantluanga Chawhte chuan thawnthu ni lo, lehkhabu tha tak mai Khawzawlah tlangzarh a ni chu lawmawm a tih thu a sawi a. Lekhabu ngainat hi thil pawimawh a ni a, zuk leh hmuam lei aiin lehkhabu lei uar turin mipui a fuih. Ruihhlo hluar chhan ber chu zirna kan uar loh vang nia a hriat thu sawiin zirna kawngah tan la thar tur leh ruihhlo laka fihlim turin a chah bawk a ni.

Pu PC Lalrindika, HOD, Dept of History chuan lehkhabu buatsaih a nih chhan leh buatsaih a nih dan te sawiin Khawzawl chanchin kimchak tak hriat a chakawm thin tih a sawi a, Khawzawl veng hrang hrang chanchin kim thei ang ber zirlaite nena buatsaih a ni a. Sorkar department lama officer leh hmun dang atanga hnathawka rawn awmte tan pawh thil tangkai tak a nih an rin thu a sawi bawk.

Pu C Pazawna, Chairman, Joint Village Council chuan lehkhabu thlirlawkna hun a hmang bawk.

Lahkhabu tlangzarh inkhawm hi Joseph Vanlalnghaka, Asst Professor chuan a kaihruai a, Pi Lalruatmawii, Principal GKC chuan inlawmna thu sawiin Rev Lalbiaksanga Pachuau, Councellor FG&CC chuan hunserh a hmang a, Pu H Vanlalhruaia Coordinator IQAC chuan lawmthu sawiin hun a khar a ni.