2114/2026-2027

Dated Khawzawl, the 8th September, 2026 : Vawiin khan Khawzawl Addl. DC Pu K. Zorammuana kaihhruaiin DC Conference Hall, Khawzawlah Bana Kaih Scheme hnuaia Chief Minister’s Special Package semna hun leh Progress partner-te tan Orientation Training neih a ni a. Khawzawl DC Pu K. Vanlalthiana, District Monitoring Committee Chairman ni bawk chuan he hun hi a hmanpui.

Khawzawl DC Pu K. Vanlalthiana chuan vawiina CM Special Package dawng tura thlan Progress Partner kalkhawmte chu ram hmasawn nana sawrkar thawhpuitute an nih thu sawiin, tanpuina an dawn chu a hmanna tur dik taka tangkai taka hmang turin a chah a ni.

Vawiin hunah hian Pu R. Lalrinhlua, Sub-Deputy Commissioner chuan Khawzawl District chhunga Bana Kaih Scheme kalpui dan report pein, Scheme chungchang a sawifiah a. Pu F. Malsawmtluanga, Rural Accounts Officer, DRDO chuan sum lut chhuak chhinchhiah dan leh enkawl dan zirtirna a pe bawk.

He hunah hian Progress Partner 38 thlan chhuahte hnenah certificate leh placard hlan a ni a. Tanpuina dawngtute hi Department 5 hnuaia thlan chhuah an ni a, Horticulture Dept atangin mi 7, AH&Vety Dept atangin mi 19, Commerce & Industries atangin mi 5, Agriculture Dept atangin mi 4, Fisheries Dept atangin mi 3, a vaiin mi 38 an ni.